MASA MASID, inilunsad sa Maynila
MANILA, Philippines - Pinangunahan ni Manila Mayor Joseph Estrada ang paglulunsad ng ‘MASA MASID’ o “Mamamayang Ayaw Sa Anomalya, Mamamayang Ayaw Sa Iligal Na Droga” na program ng Department of Interior and Local Government (DILG).
Ang naturang aktibidad ay naglalayon na isama ang komunidad para labanan ang illegal na droga sa bansa.
Sinabi ni Estrada na nakakabahala na ang bilang ng mga biktima ng iligal na droga kaya dapat nang magsamasama para matiyak para masigurong masugpo ang problema hinggil dito.
Dagdag pa ni Estrada, suportado ng lungsod ng Maynila ang kampanya ng pangulo kontra illegal na droga dahil siya mismo ay naniniwala na ang pagsugpo sa kurapsyon at illegal na droga ang siyang tunay na susi sa pag-unlad ng bansa
Giit ni Estrada, layon ng MASA MASID na ma-ging aktibo ang publiko sa pagtukoy at pagsugpo sa problema ng korupsiyon at droga.
- Latest