Bright students ng QC, binigyan ng cash incentives
MANILA, Philippines - Pinagkalooban ng cash incentives ni Quezon City Mayor Herbert Bautista ang lahat ng matatalinong estud-yante sa mga public schools sa Quezon City na kabilang sa top 3 ng kanilang klase.
Nabatid na P10,000 cash incentives ang matatanggap ng bawat top 1 student, P6,000 sa nag-top 2 at P4,000 naman para sa top 3.
Umaabot sa P5.7 milyong halaga ang inilaan ng QC government para sa pagkakaloob ng cash incentives sa naturang mga mag-aaral ng lungsod.
Ang pagbibigay ng cash reward ngayong 2017 ay mas mataas ng halos 50 percent kumpara noong nagdaang taon.
Sa kasalukuyan, ang QC ang may pinakamalaking school-age population sa bansa.
- Latest