Lim bagong MMDA Chairman: Orbos bumaba na bilang OIC
MANILA, Philippines - Bumaba na sa pwesto bilang officer-in-charge (OIC) ng Metropolitan Manila Development Authority (MMDA) si Tim Orbos matapos i-anunsiyo ng Malacañang na si Ret. Brigadier General Danilo Lim ang itinalagang bagong chairman ng natu-rang ahensiya.
Gayunman, mananatiling general manager ng MMDA si Orbos.
Tiwala ang ilang opis-yal ng MMDA, na si Lim ay may kakayahang mamuno at maipatutupad ang mga programa ng ahensiya partikular na may kinalaman sa daloy ng trapiko sa Kalakhang Maynila.
Sinabi ni Orbos, na mas may karanasan aniyang magpatakbo ng isang ahensiya si Lim.
Matatandaan na si Lim ay naging Bureau Of Customs (BOC) deputy commissioner sa ilalim ng administrasyon ni dating Pangulong Benigno Aquino III, mula Setyembre 2011 hanggang Hulyo, 2013. Sa kasalukuyan, si Lim ang isa sa mga dating high-ranking military official na itinalaga ni Pangulong Rodrigo Duterte sa kanyang administrasyon.
Nabatid na si Lim ay tumakbong senador, noong 2010 national elections sa ilalim ng Liberal Party (LP), subalit natalo ito.
- Latest