Miyembro ng Kuratong Baleleng utas sa shootout
MANILA, Philippines - Isang Army Reservist na miyembro ng Kuratong Baleleng/Dragon Group ang nasawi matapos na kumasa sa mga otoridad naganap kamakalawa sa Purok 9, Brgy. Carmen Annex, Ozamis City.
Ang nasawi ay kinilalang si Anthony Theodore Tamparong, isang Army Reservist 1st Lieutenant na nasa ilalim ng Army’s 903rd Community Defense Group (CDG).
Batay sa ulat, bandang alas-1:45 ng hapon habang isinisilbi ng mga operatiba ng pulisya ang search warrant laban sa suspek kaugnay sa kasong paglabag sa Republic Act (RA) 10591 (Illegal Possession of Firearms) ay pumalag ito at binaril ang mga una na nauwi sa shootout at tinamaan ang huli na ikinasawi nito.
Narekober ng mga otoridad sa crime scene ang cal. 45 pistol at mga basyo ng bala ng cal. 9 MM, cal. 45; 16 piraso ng basyo ng bala ng cal 5.56, mga bala ng cal 38, isang M203 grenade /explosive, sari-saring mga ID’s at tatlong kahon na naglalaman ng 150 bala ng cal. 45 pistol.
- Latest