Birthday party ni June Torrejon star-studded

Kaya pala, Salve A., hindi nakasama ni Senator Grace Poe-Llamanzares, sa birthday party ni June Torrejon-Rufino, exe­cutive ng Viva Entertainment Group of Companies, at President ng PAMI (Professional Artist Management, Inc.), ang kanyang Mommy Susan Roces ay dahil nagte-taping ito for her top series na FPJ’s Ang Probinsyano na pinagbibidahan ni Coco Martin.

Well, obviously, walang sche­duled taping that day sina Rez Cortez at Ronnie Lazaro, na pareho ring nasa FPJ’s Ang Probinsyano dahil pareho silang present sa party.

Parehong talent ni June sina Rez at Ronnie.

Actually, namumutakti sa mga talent ni June ang Milky Way sa Makati where the party was held. Sponsored daw ang pagdiriwang na iyon, ayon kay June, ng isa pang ta­lent niya na si Edu Manzano.

Kaya lang, bakit kaya hindi namin namataan si Luis Manzano na anak ni Edu with incumbent Lipa Congresswo­man Vilma Santos-Recto na nasa kwadra rin ng talents ni June?

Well, hindi na namin iisa-isahin pa ang ilan pang mga talent ni June na naroroon. Sa halip, we will mention na lang ang mga celebrities na aming nakasalamuha, since we arrived at the party early.

Seated comfortably ang well-liked na lady na si Virgie Ramos, sole distributor sa Pilipinas of the popular international timepiece, Swatch, and whose family owns the chain of National Bookstore.

Dumating din si Luz Valdez, ang mag-inang Lloyd Samartino at Carmen Soriano, ang top Creative Writer na si Jake Tordesillas, GMA-7 executive Lilybeth Rasonable, actress Lorie Mara, ang asawa ni Rez (Cortez) na si Candy at anak na si Cai Cortez, kasama ang kanyang Tunisian husband at two-month old na anak na lalaki.

Nasa event din sina Elizabeth Oropesa, Marissa Delgado at ang head ng Cinema One Originals na si Ronald Arguelles.

Among the PAMI members present were Veana Fores, Shirly Kuan, Carlo Orosa, Dolor Guevarra, Manny Valera, at Arnold Vegafria.

Nandon ka, of course Salve A., and your fellow SPEED officers, your President Isah Red, at Ian Fariñas.

Heart wish nang magka-baby agad-agad

  Wish pala this year ni Heart Evangelista ang magka-baby na sila ng kanyang asawang si Senator Chiz Escudero.

Baby boy daw sana ang gusto niyang maging anak dahil silang magkaka­patid ay pawang mga lalaki.

Si Heart ang bunso.

As is common knowledge, may kambal nang anak si Senator Chiz with his first wife, Tintin Flores.

Babae at lalaki ang mga ito na pareho nang nag-aaral.

Joseph Marco inunahan ni Alex magka-lovelife

Ayon kay Joseph Marco na kasalukuyang napapanood sa pelikulang Pwe­ra Usog at sa seryeng Wildflower, loveless pa rin siya hanggang ngayon.

Inamin din niyang muntik na niyang ligawan si Alex Gonzaga noong ginagawa nila ang series na Pure Love.

‘Di na nag-elaborate si Joseph kung bakit hindi niya itunuloy ang kanyang balak.

In any case, happy daw siya na may boyfriend na si Alex, ang non-showbiz na si Mikee Morada. Isang young businessman si Mikee.

Hindi na rin daw nagkikita sina Alex at Joseph dahil nga busy ang huli.