Lola natusta, lolo kritikal sa sunog
BAYOMBONG, Nueva Vizcaya, Philippines - Patay ang 69-anyos na lola habang kritikal naman ang 70-anyos na lolo makaraang masunog ang kanilang bahay sa Barangay Nagbitin, bayan ng Villaverde, Nueva Vizcaya, kamakalawa ng gabi. Kinilala ang Lola na si Arsenia de Jesus, isang bulag na tubong Iloilo City habang inoobserbahan naman sa Veterans Regional Hospital ang asawang si Perfecto Bustamante na isa namang bed ridden at kapwa nakatira sa Purok 6 sa nabanggit na barangay. Sa inisyal na imbestigasyon ng pulisya, sinasabing isang gasera ang natumba na gamit ng mag-asawa kaya naganap ang sunog. Napag-alaman na walang kasama ang dalawa at tanging ang Lola na si Arsenia ang nag-aalaga sa kanyang asawang may sakit sa kabila ng kawalan nito ng paningin.
- Latest