Negosyante ng droga utas sa ambush
BULACAN, Philippines – Bulagta ang 32-anyos na sinasabing negosyante ng droga at sangkot din sa ibang krimen matapos itong tambangan ng motorcycle-riding assassins sa Barangay Abangan Sur, bayan ng Marilao, Bulacan kamakalawa ng gabi.
Tatlong tama ng bala ang tumapos sa buhay ni Erwin Ronquillo ng Vitarich Compound, Barangay Abangan Sur sa nabanggit na bayan.
Base sa imbestigasyon ni PO3 Marcelo Galsim Jr. Binabagtas ng biktimang nagmamaneho ng Toyota FX (UNK-734) ang kahabaan ng MacArthur Highway nang tambangan ng tandem assassins.
Narekober sa crime sacene ang tatlong basyo ng bala cal.45 pistol at karatulang may nakasulat na “holdaper/isnatser/tulak-adik ako,’wag tularan”.
Nabatid na isinasangkot ang biktima sa panghahablot ng bag ng 54-anyos na babaeng miyembro ng PNP-non uniform personnel sa Brgy. Santa Rosa II sa nasabing bayan may isang linggo na ang nakalipas.
- Latest
