Mas matindi pang trapik sa EDSA asahan na — MMDA
Sa isinagawang survey ng Metropolitan Manila Development Authority (MMDA), lalu aniyang lolobo ang volume ng mga behikulong bumabagtas kahabaan ng EDSA ngayong buwan ng Kapaskuhan. Michael Varcas
MANILA, Philippines – Nagpauna na ang Metropolitan Manila Develkopment Authority (MMDA) sa mga motorista na asahan na ang mas matinding trapik sa kahabaan ng EDSA ngayong Holiday Season.
Sa isinagawang survey ng Metropolitan Manila Development Authority (MMDA), lalu aniyang lolobo ang volume ng mga behikulong bumabagtas kahabaan ng EDSA ngayong buwan ng Kapaskuhan.
Base sa vehicular volume count ng ahensiya, noong Nobyembre 9 ng taong kasalukuyan, nasa 166,357 kabuuang bilang ng behikulo kabilang ang mga motorsiklo ang bumabagtas sa EDSA. Mas mataas aniya ang bilang ng volume ng mga pribadong behikulo at ito ay 132,667.
Ibig sabihin ay tumaas ng 3.17 porsiyento kabuuang volume ng behikulong bumabagtas sa EDSA ngayong Kapaskuhan.
Ayon sa MMDA, na noong Disyembre 21, 2015 sa ginawa nilang 4th quarter vehicular volume count, nasa 161,248 volume lamang ng behikulo kabilang dito ang mga pribadong behikulo ang bumabagtas sa naturang highway.
Dahil dito, patuloy ang programa ng Inter-Agency Council on Traffic (I-ACT) at para malunasan ang problemang ito.
- Latest
