Binentahan ng P22-M ‘gold bars’: Bebot nanggantso ng Hapones, arestado
MANILA, Philippines - Timbog sa isinagawang entrapment operation ng mga tauhan ng Anti-Organized Transnational Crime Division (AOCTD) ng National Bureau of Investigation ang isang babaeng nakapanloko ng halagang P22-milyon sa isang Japanese national kapalit ang pangakong 52 gold bars sa Makati City, nitong nakalipas na Disyembre 2.
Kahapon ay iniharap ng NBI sa media ang suspek na si Marlene Rioveros Buenaventura, kasalukuyang nakapiit sa NBI detention facility kaugnay sa inihaing reklamong paglabag sa Republic Act 315 ng Revised Penal Code o Estafa ng isang Japanese national, na tumangging pangalanan para sa kaniyang seguridad.
Sa ulat, nahimok umano ng suspek ang dayuhang biktima na magbigay ng ma-laking halaga para sa kaniya mapunta ang ibibiyaheng mga bar ng ginto na magmumula sa Singapore.
Ang bawat isang gold bar na tumitimbang umano ng isang kilo ay aabangan na lamang sa pagdating sa Bureau of Customs (BOC) at ang suspek na ang bahala sa proseso.
Nahulog sa mga pambobola ang complainant dahil sa mga ipinakita sa kaniyang mga dokumento na may permit na sa pagbiyahe ng gold bars hanggang sa pumayag pa ang Japanese na maki-pagkita sa suspek sa Singapore kung saan ipinakita ang 52 piraso ng gold bar.
Nagbigay ng utay-utay na bayad hanggang sa umabot ng kabuuang 50 milyong Yen o katumbas na P22 milyon ang biktima. Nangako umano ang suspek na sa pinakahu-ling P3.3 milyon noong Oktubre 29, 2016 ay mare-release na sa BOC ang mga ginto na hindi naman nangyari.
Sa halip na makuha na ang mga ginto, muling hini-ngian umano ng P3.3-M ng suspek ang biktima dahil na-forfeit umano ang huling bayad niya.
Dahil sa pagdududa sa suspek, dumulog sa NBI ang dayuhan at ikinasa ang entrapment operation laban sa suspek nitong Dis. 2, 2016.
Nagkunwaring ibibigay ang hinihinging P3.3-M ay nakipagkita sa suspek ang biktima sa isang hotel sa Makati City at sa aktong hawak na ang marked money ay dinakip ang suspek.
- Latest