Mag-ingat sa mga mapanganib na laruan – EcoWaste
Ilang linggo bago ang Pasko ay nagbabala ang grupong EcoWaste Coalition sa publiko na maging maingat sa pagpili at pagbili ng mga laruang pangregalo na maaaring magdulot ng panganib sa mga bata. KRISTINE JOYCE W. CAMPAÑA, file photo
MANILA, Philippines – Ilang linggo bago ang Pasko ay nagbabala ang grupong EcoWaste Coalition sa publiko na maging maingat sa pagpili at pagbili ng mga laruang pangregalo na maaaring magdulot ng panganib sa mga bata.
Inilunsad na ng grupo ang “Kid-Safe Toys Campaign” upang bigyan ng kaalaman ang konsyumer para matiyak ang karapatan ng mga bata sa ligtas na mga laruan.
Ayon kay Thony Dizon, Project Protect Coordinator, EcoWaste Coalition, maituturing na “kid-safe” ang isang laruan kung ito ay hindi banta sa kalusugan at kaligtasan ng mga bata, laluna sa kanilang utak at katawan.
Para pasimulan ang “Kid-Safe Toys Campaign,” ang EcoWaste Coalition ay namili ng 100 sari-saring mga laruan noong Nobyembre 24-26, 2016 sa mga tindahan sa lungsod ng Caloocan, Makati, Manila, Pasay at Quezon na may halagang P10 hanggang P220 bawat isa.
Sinasabi ng EcoWaste na ang 10 pinaka delikadong laruan na hindi dapat ibenta ay ang natitiklop na silyang pambata; “wonderful music xylophone”; isang Snorlax na Pokemon; laruang kutsilyo na napakatulis na pwedeng makasugat; mga laruang espada na may matatalas na bahagi na maaaring makahiwa; mga pellet gun na pwedeng makapinsala sa mga mata; isang “Wild Sling Water Baloons” na may 33 pulgadang tali; isang laruang gitara na may disenyong Hello Kitty ; isang laruang bilyar na posibleng malunok dahil sa liit ng mga ito; mga laruang Plants vs Zombies na may mga bahaging maliliit tulad ng mga metal bearing na pwedeng makalas at malunok.
- Latest
