Ngayong Holiday Season: Biyahe ng MRT-3 pinalawig: Train dinagdagan din
Ayon sa LRMC, simula kahapon, Disyembre 3 hanggang 23 ng taong kasalukuyan, ang biyahe ng LRT ay mula alas-5:00 ng umaga hanggang alas-11:00 ng gabi.
MANILA, Philippines – Pinalawig ng pamunuan ng Light Rail Manila Corporation (LRMC) ang biyahe ng kanilang mga train ngayong buwan ng Kapaskuhan.
Ayon sa LRMC, simula kahapon, Disyembre 3 hanggang 23 ng taong kasalukuyan, ang biyahe ng LRT ay mula alas-5:00 ng umaga hanggang alas-11:00 ng gabi.
Mula Baclaran Station kada sampung minuto ang dating ng train simula alas-9:30 ng gabi, at kada 15 minuto naman ang dating ng train simula alas- 10:00 ng gabi.
Sa Roosevelt Station naman, darating ang tren mula alas-10:00, alas-10:10, alas- 10:20 at alas -10:30 alas -10:45 at alas 11:00 ng gabi.
Ang hakbangin ng pamunuan ng LRT ay para na rin sa mga pasahero na ginagabi sa pamimili sa mga mall at pasyalan ngayon panahon ng Kapaskuhan.
Samantala, mula naman sa dating 13, tinatayang aabot na sa 22 train ng Metro Rail Transit (MRT) 3 ang maaari nang bumiyahe kada araw, ayon ito kay Officer-In-Charge (OIC) General Manager Deo Manalo.
Sinabi ni Manalo na malaking tulong ito sa mga pasahero dahil sa unang bahagi ng buwan noong Enero, 2016 ay nasa 13 lamang ang bumibiyahe na train at ito ay hindi sasapat sa libu-libong mananakay.
Sa ngayon aniya ay nasa 20 train ng MRT ang bumibiyahe at hindi kasama ang dalawa pa na magsisilbing reserba naman sakaling magka-aberya.
Inayos na rin ng pamunuan ng MRT ang mga riles upang hindi na muling magkaroon ng aberya.
Ayon kay Manalo, nasa 6,000 pasahero kada biyahe ang sumasakay sa MRT at inaasahang tataas pa ngayong holiday season.
Tiniyak rin nito na ngayon Christmas season ay sapat ang kanilang mga train na bumibiyahe para magbigay serbisyo sa mga commuters.
- Latest
