Kylie hindi pa rin makapaniwalang Miss International na

Hindi pa rin makapaniwala si Kylie Verzosa na siya ang nag-win ng Miss International crown sa Tokyo, Japan noong Huwebes.

Ang sabi kahapon ni Kylie, hindi pa mag-sink sa kanya ang success niya sa international beauty pageant na sinalihan.

I’m sure, uwing-uwi na si Kylie sa Pilipinas para maibahagi niya sa mga kababayan natin ang kanyang kaligayahan at tagumpay

“I cannot believe it. I cannot express how I feel right now, but I am ecstatic. It’s been only a dream. Thank you to my family, mentors, designers, my angels.

“Your prayers have worked, from the bottom of my heart, thank you so much! We have worked very hard to get this.

“To the girls in the competition, it was tough, but im glad i had you to go through with it. I love you all dearly, you are all beautiful.

“To the organization, thank you so much for having me. I cannot wait to start my new year with you! I have big plans. Thank you so much for having me.

“To Edymar, you’ve been such an inspiration; your beauty is beyond compare, I cannot believe still I am following your footsteps. I can only wish to do as good as you. I am so grateful. Domo arigatogozaimasu Japan, I’m so happy. Philippines, this is for you,” ang pralala ni Kylie tungkol sa karangalan na nakuha niya.

Kabaklaan ni Paolo balak isali sa MMFF!

Nagpasalamat kay television executive Bobby Barreiro sina Paolo Ballesteros, ang direktor na si Jun Lana at ang dyowa nito, ang direktor at movie producer na si Perci Intalan.

Touched ang tatlo kay Papa Bobby dahil pinanood nito sa Tokyo ang Die Beautiful, ang pelikula nila na official entry sa 29th Tokyo International Film Festival.

Pinuri ni Papa Bobby ang pelikula na lalong umingay sa TIFF dahil sa pagrampa ni Paolo sa red carpet, ala-Angelina Jolie. Ito ang sey ni Papa Bobby tungkol sa experience niya sa dinaluhan na film festival.

“I attended the world premiere of Die Beautiful at the Tokyo Intern ational Film Festival and was so proud of Jun Robles Lana, Paolo Ballesteros, Perci Intalan and the team behind the film.

“You first got everyone’s attention at the red carpet with Paolo as Angelina Jolie, but tonight, the audience at the packed Ex Theater in Roppongi found more reason to cheer for you. Congratulations!”

Plano nina Jun at Perci na isali sa Metro Manila Film Festival (MMFF) ang Die Beautiful.

Lalong magiging masaya at makulay ang MMFF 2016 kapag napili na official entry ang pelikula ni Paolo dahil sure ako na gagawa ito ng eksena sa Parade of Stars.

Maraming movie producer ang nagpahiwatig ng pagsali sa MMFF pero sa susunod na buwan pa natin malalaman ang mga nakapasa sa panlasa ng selection committee.

Beach house nina Boyet at Amy magkapitbahay lang sa Batangas

Pumunta sa beach house nila sa Lobo, Batangas para mag-scuba diving ang plano ni Christopher de Leon sa birthday niya sa Lunes.

Nakarating na ako sa maganda pero may kalayuan na beach house nina Boyet at Sandy Andolong sa Lobo.

Wala ang mag-asawa nang pumunta ako sa kanilang private sanctuary pero pinapasok ako ng caretaker nila.

Napaka-relaxing ng ambience sa beach house nina Boyet at Sandy na katabi lang ng beach house na pag-aari naman ni Amy Austria at ng mister nito na si Duke Ventura.

Under construction pa ang beach house nina Amy at Duke nang puntahan ko ito pero gawa na ang kanilang napakalaki na swimming pool.

Hindi kalayuan sa property nina Amy at Christopher ang beach house ni Gabby Concepcion.