Mister nilikida sa tabi ng misis at anak
MANILA, Philippines - Butas ang noo at dalawang bala pa sa katawan ang tinamo ng isang 46- anyos na mister nang pagbabarilin ng dalawang maskaradong lalaki na pumasok sa kanilang bahay sa Tondo, Maynila, kahapon ng madaling araw.
Kinilala ang biktimang si Joseph Javier Jr. alyas Negro, residente ng Zaragosa St., Tondo, Maynila.
Sa ulat ni PO3 Ryan Jay Balagtas ng Manila Police District-Homicide Section, dakong alas-12:30 ng madaling araw nang masopresa umano ang biktima at pamilya nito nang biglang pumasok ang dalawang suspek sa loob ng bahay habang sila ay nanonood ng telebisyon saka pinagbabaril ang biktima.
Nang makitang duguan at wala nang malay ay lumisan ang mga suspek habang ang biktima ay dinala sa Gat Andres Bonifacio Memorial Medical Center (GABMMC) pero binawian rin ng buhay.
Sa impormasyon, posibleng may kinalaman umano sa iligal na droga ang pamamaril na patuloy pang iniimbestigahan.
- Latest
