Idedeposito sa banko: Chinese huli sa 389 piraso ng pekeng dolyar
MANILA, Philippines - Nakatakdang isailalim sa inquest proceedings sa Manila Prosecutor’s Office ang isang Chinese national na nagtangkang magdeposito ng 389 pirasong US$100 o may katumbas na halos P2-milyong piso, sa isang banko sa Malate, Maynila, kahapon ng umaga.
Pinipigil sa Manila Police District-General Assignment and Investigation Section ang suspek na si Wong Kwok Ming, nanunuluyan sa Room 2111 Iris Tower, Tivoli Gardens, Mandaluyong City.
Sa inisyal na ulat ni SPO2 James Poso kay P/Chief Insp. Arsenio Riparip, pormal na naghain ng reklamo ang mga kinatawan ng Land Bank of the Philippines-Malate Branch na matatagpuan sa may panulukan ng MH Del Pilar at Quintos Sts., Malate.
Ito’y dahil sa nadiskubre ng bank teller na si Rod Ronille Reyes, 25, na pawang peke ang mga dolyar na idinedeposito ng suspek alas-9:20 ng umaga at ipinaalam sa bank manager.
Itinawag ang reklamo sa MPD-Station 9 na siyang nagturn-over sa suspek sa MPD-GAIS.
Ayon pa sa imbestigasyon, nagsabi umano sa teller na nasa 50 libong dolyar ang idedeposito ng suspek at ang nailatag pa lamang ay nasa 389 na natukoy ang dalawang piraso lamang ng 100 dollar bill ang authentic.
- Latest
