2 itinumba sa Pasay
MANILA, Philippines - Tinadtad ng saksak, binalot ng plastic ang mga ulo at tinalian ng packaging tape ang buong katawan ng isang lalaki at isang babae na natagpuan sa madamong lugar sa Pasay City, kahapon ng umaga.
Kinilala ng Pasay City Police ang mga biktima na sina Pao Sumagana at Diane Navarro.
Lumalabas sa imbestigasyon nina SPO1 Dennie Desalisa at PO2 Noel Burden, ng Station Investigation and Detective Management (SIDMB), Pasay City Police, alas-3:20 kahapon ng madaling araw nang matagpuan ang bangkay ng dalawa sa madamong lugar ng Pearl Drive Boulevard sa lungsod ng isang basurero na nangongolekta ng basura.
Ang bangkay ng mga biktima ay nakalagak ngayon sa Rizal Funeral Homes para i-autopsy. Iniimbestigahan pa ng pulisya kung ano ang posibleng motibo sa pagpaslang sa dalawang biktima.
- Latest
