Bebot, utas sa sagasa, 1 pa sugatan
MANILA, Philippines – Namatay ang isang 37-anyos na babae habang sugatan ang isa pa matapos mabundol at masagasaan ng isang pampasadang dyip na nawalan diumano ng preno, sa San Miguel, Maynila, kamakalawa ng hapon.
Kinilala ang nasawi na si Rasheda Olama, residente ng no.148 C. Palanca St., sakop ng Brgy. 648, sa San Miguel habang sugatan naman ang isang Namira Dasilo, 41, residente ng no. 261 P. Casal St., San Miguel nang masagi ng dyip.
Arestado at isinailalim na sa inquest proceedings si Leo Orfilla, 41 ng no. 708 T. Anzures St., Sampaloc, Maynila na driver ng pampasaherong jeep na may plakang TGA-185 at may rutang San Miguel-Ikot via Padre Casal sa rutang San Miguel-Ikot via Padre Casal.
Sa ulat ng Manila District Traffic Enforcement Unit, ang insidente ay naganap dakong alas-5:05 ng hapon sa P. Casal St, panulukan ng C. Palanca St., San Miguel.
Nabatid na minamaneho ni Orfilla ang dyip patungong northwest ng P. Casal nang mawalan umano ng preno at nabundol si Olama at nasagasaan habang si Dasilo ay nabangga din bago tulu-yang dumiretso at bumangga sa isang traffic signal lamp sa lugar.
Nahaharap ang suspek sa kasong reckless imprudence resulting in homicide at physical injuries.
- Latest