Ginang itinumba sa tabi ng anak
MANILA, Philippines – Binaril at napatay ang isang ginang sa tabi mismo ng kanyang mga anak ng hindi nakikilalang salarin kamakalawa ng hapon sa Tondo, Maynila.
Nakilala ang nasawi na si Carmelita Flores, ng Isabelo Delos Reyes St., Tondo, na nagtamo ng 3 tama ng bala sa mukha at sa katawan, na naglagos pa sa hawak nitong cellular phone.
Sa ulat ni PO3 Joseph Kabigting ng Manila Police District-Homicide Section, naganap ang insidente dakong alas-2:30 ng hapon.
Isa sa dalawang suspect ang pumasok sa bahay ng ginang na noon ay nakahiga at nagte-text habang nasa tabi naman ang 4-anyos anak na batang lalaki. Walang sabi-sabing pinagbabaril ng suspect ang ginang. Masuwerte namang hindi tinamaan ang kanyang anak.
Teorya ng mga awtoridad, may kinalaman din sa iligal na droga ang motibo. Ludy Bermudo with trainee Ma. Concepcion Malabanan
- Latest
