Mga artistang dawit sa droga, tututukan ng PDEA
MANILA, Philippines – Sinisimulan ng siyasatin ng Philippine Drug Enforcement Agency (PDEA) ang ilang showbiz personalities na sangkot sa illegal na droga.
Ayon kay PDEA-National Capital Regional (NCR) Director Wilkins Villanueva, nire-review na anya nila ang closed circuit television ( CCTV ) footage na kanilang nakuha sa isinagawang pagsalakay sa isang lugar sa Mandalu-yong City, kamakailan
Sinasabing naging paboritong puntahan anya ang lugar ng ilang celebrity, at ilan sa mga ito ay hindi lang umano mga user kundi mga drug pusher.
Gayunman, hindi pa pinangalanan ng opisyal ang mga naturang celebrity na ang ilan na may aktibo at hindi na aktibo sa showbiz.
Sa sandaling makumpleto nila ang pagsisiyasat ay saka na sila gagawa ng aksyon.
Nagalak din naman ang PDEA sa pagsasailalim ng ilang artista sa drug test, subalit kailangan anyang maging totoo ang pagsusuri dahil mas nakakabuti anya ito sa kanilang mga talent.
- Latest