Biktima ng summary execution, natagpuan

MANILA, Philippines - Pinaniniwalaang biktima ng summary execution ang isang lalaki makaraang matagpuan ito na may tama ng bala sa ulo na nakahandusay sa gilid ng kalsada sa Valenzuela City, kamakalawa ng umaga.

Patuloy na inaalam ng pulisya ang pagkakakilanlan ng biktima na inilarawan na naka-orange na short pants, itim na t-shirt, skin head ang gupit, at tadtad ng tattoo sa buong katawan.

Sa ulat, nagwawalis si Lorna Bajande sa may Plastic Avenue sa Brgy. Viente Reales dakong alas-7 ng umaga nang matagpuan ang bangkay ng biktima.  Agad naman na iniulat sa mga opisyal ng barangay kung saan namang tumawag sa pulisya.

Sa pagsusuri ng mga tauhan ng Scene of the Crime Operatives (SOCO), nagtamo ng tama ng bala sa kaliwang dibdib habang nakabalot ng packaging tape ang mukha at nakagapos ang mga kamay habang patuloy ang im-bestigasyon ng pulisya.