Dahil sa malalang trapik: MMDA traffic enforcer, ikakalat sa Marcos Highway
MANILA, Philippines – Maglalagay ng karagdagang pwersa ang Metropo-litan Manila Development Authority (MMDA) sa kahabaan ng Marcos Highway at magpapatupad ng re-routing scheme dahil sa napakabigat na daloy ng trapiko dito.
Ayon kay MMDA General Manager Tim Orbos, ang kanilang mga traffic enforcer ang magiging manpower ng bagong tatag na Inter-Agency Committee on Traffic Management (I-ACT), kung saan magdadagdag pa ng mga deputize traffic enforcer sa naturang lugar.
Para sa kaalaman na rin ng mga motoristang babagtas ng Marcos Highway at magtutungo sa area ng Rizal, nabatid na ipatutupad ng MMDA ang re-routing scheme dito.
Kung saan ang mga behikulong galing Cubao/Katipunan papuntang Antipolo ay babagtas ng Aurora Boulevard, kanan ng Katipunan, C.P. Garcia Avenue (C5), kaliwa ng Ortigas Avenue Extension hanggang sa destinasyon at vice versa.
Ang behikulong mula Cubao/Katipunan hanggang Antipolo ay dadaan ng A. Bonifacio Avenue (hanggang Marikina City proper), diretso hanggang Sumulong Highway hanggang sa destinasyon at vice versa.
Ang mga sasakyan namang galing Antipolo patungong Quezon City ay maaa-ring dumaan ng Ortigas Avenue Extension, kaliwa sa Kaytikling patungong Taytay Palengke, East Bank Service Road, kaliwa sa Legaspi Bridge, kaliwa sa C. Raymundo hanggang destinasyon at vice versa.
Mula naman sa Cainta hanggang C5, Quezon City, mula Felix Avenue kaliwa ng Kagihawaan St./Magsaysay St., kaliwa ng Amang Rodriguez Avenue, kaliwa ng Calle Industria hanggang C.P. Garcia (C5), hanggang destination at vice versa.
Mga behikulo namang mula Cainta, Rizal via Valley Golf hanggang Cubao, Quezon City mula Ortigas Avenue Extension, kaliwa ng Don Celso Tuazon Avenue, dadaan ng Sumulong Highway hanggang destinasyon at vice versa.
Para mamonitor ang kalagayan ng trapiko, ayon kay Orbos, naglagay sila ng anim na CCTV camera sa mga strategic area sa naturang lugar.
Nabatid na nakadagdag ng mabigat na daloy ng trapiko sa kahabaan ng Marcos Highway ang kasalukuyang construction ng LRT-2 Extension.
- Latest