High-end resto bars at clubs sa ‘The Fort’ binalaan
MANILA, Philippines - Kakanselahin ang business permit ng mga high-end restobar at clubs na lalabag sa polisiyang ipinatutupad ng pulisya kontra droga kasabay nang pagbubunyag nito na ilang dayuhan at personalidad na konektado sa industriya ng entertainment ang sangkot umano sa iligal na operasyon sa lungsod ng Makati at Taguig.
Nitong gabi ng Miyerku-les ay nagkaroon ng dialogue sa pagitan ng PNP sa pangunguna ng Southern Police District (SPD) sa mga may-ari ng high-end restobar at clubs sa Bonifacio Global City (BGC), Taguig City.
Ang naturang dialogue ay dinaluhan nina PNP Chief Director-General Ronald Dela Rosa; NCRPO Director Oscar Albayalde; SPD district director Sr. Supt Tomas Apolinario; Taguig City Mayor Lani Cayetano at mga may-ari ng mga high-end restobar at clubs.
Dito inilatag ng SPD ang kanilang mga polisiya sa mga may-ari ng bars na nakabase sa lungsod ng Makati at Taguig na may kaugnayan sa kampanya kontra droga.
Nakasaad sa mga polisiya at nilagdaang Memorandum Of Agreement (MOA) sa pagitan ng pulisya at mga restobar at club owners na i-mantina na maging “drug free” ang kanilang pag-aa-ring establisimiyento.
Makipagtulungan ang mga ito sa pulisya sa pamamagitan ng pagbibigay ng kopya ng CCTV footage at litrato kung sakaling may insidenteng naganap sa kanilang establisimiyento.
Payagan ang mga kawa- ni na maging saksi sa anumang magiging operasyon ng pulisya sakaling sangkot ang kanilang establisimento.
Magtatalaga rin ng mga nakasibilyang anti-illegal drugs at intelligence agents at police officers sa mga sinasabing high-end bars.
Ayon sa SPD, sakaling hindi sumunod ang mga ito, kakanselahin ang kanilang mga business permit.
Ibinunyag din ng pulisya na ilang mga dayuhan at personalidad na konektado sa entertainment industry ang sangkot umano sa iligal na operasyon ng droga sa mga high-end bars sa Makati at Taguig City kung saan kabilang ito sa tinututukan nila ngayon.
- Latest
