16-anyos na ‘tulak’, itinumba ng tandem
MANILA, Philippines - Isang menor-de-edad na sinasabing ‘‘tulak’’ ng droga sa kanilang lugar ang pinagbabaril hanggang sa mapatay ng riding-in tandem sa Pasig City, kamakalawa ng gabi.
Ang biktima ay itinago sa pangalang Jose, 16.
Ang pamamaril ay naganap dakong alas-9:45 ng gabi sa loob ng tahanan ng biktima habang nanonood ito ng TV.
Ayon sa report, dala-wang lalaki na magkaangkas sa motorsiklo na kapwa naka-bonnet ang pumara-da sa harap ng bahay ng biktima at walang sabi-sabing pinagbabaril ito.
Nagtamo ang biktima ng walong tama ng bala sa iba’t ibang bahagi ng kanyang katawan na nagresulta ng kanyang agarang kamatayan.
Nagsasagawa pa nga-yon ng masusing imbes-tigasyon ang mga tauhan ng Pasig police para matukoy at maaresto ang dalawang salarin.
- Latest
