4 na ‘tulak’ bulagta sa ‘Oplan Tokhang’
MANILA, Philippines - Apat na namang hinihinalang drug pushers ang nasawi habang isa pa ang sugatan sa pakikipag-engkuwentro sa mga operatiba ng Quezon City Police sa isinagawang ‘Oplan Tokhang’ sa Brgy. Batasan Hills sa lungsod kamaka-lawa.
Sa ulat ng QCPD-Criminal Investiga- tion and Detection Unit (CIDU), nakilala ang mga nasawi na sina Raffy Gabo, 23; Anthony Comendo, 36; Marcelo Daa Jr., 31; at isang alyas Jess, nasa pagitan ng edad na 24-25.
Sugatan naman ang isa sa mga suspek na si Efren Morillo, 28, na nakaratay ngayon sa East Avenue Medical Center.
Ayon sa ulat, may-hawak ng kaso, nakaengkwentro ng mga suspek ang tropa ng QCPD Batasan Police Station-6 sa pamumuno ni P/Senior Insp. Emil Garcia at apat pang personnel nito.
Nangyari ang insidente sa may Group 9, Payatas B, Barangay Bagong Silangan, QC, dakong alas-4:00 ng hapon.
Bago ito, nagsagawa umano ang tropa ng pulisya ng ‘‘Oplan Tokhang’’ laban sa mga drug personalities, partikular sa bahay ni Daa Jr., sa Group 9. Paya-tas B, Brgy. Bagong Silangan, QC,
Diumano, nang makita nina Gabo, Comendo, Jess at Morillo ang presensya ng mga operatiba na tiyempo namang nasa natu-rang lugar din ni Daa ay biglang nagbunot umano ng kanilang mga baril ang mga ito at pinaputukan ang mga awtoridad.
Gumanti naman ng putok ang mga operatiba sanhi upang masawi sina Gabo, Comendo, Daa, at Jess. Habang nagawang makatakas naman ni Morillo at humingi ng tulong sa isang ospital sa Montalban Rizal kung saan siya inaresto at ipinagamot sa EAMC.
Sa pagsisiyasat, dalawang kalibre .45 at dalawang kalibre .38 baril, mga shabu at pa- raphernalia sa pagga- mit ng iligal na droga ang nakita.
- Latest