Paalala ng NCRPO sa mga motorista magbaon ng pasensya nang makaiwas sa disgrasya
MANILA, Philippines - Magbaon ng maraming pasensiya tuwing magmama-neho upang makaiwas sa away at disgrasya, ito ang apela ni National Capital Region Police Office (NCRPO) acting director Chief/Supt Oscar Albayalde sa mga motorista.
Ang panawagan ay ginawa ni Albayalde matapos ang nangyari sa isang army reservist na kung saan ay pinagbabaril at napatay nito ang isang siklista dahil lamang sa gitgitan sa kalye.
Ayon kay Albayalde na kung maging kalmado lamang lahat ng mga motorista ay maiiwasan ang mga insidente sa kalsada.
Naniniwala si Albayalde na hindi dapat nagdadala ng baril ang mga taong hindi kayang kontrolin ang sarili kapag nagagalit.
Dagdag pa ng opisyal, maraming nagmamaneho na mainitin ang ulo at madaling magalit kapag may dalang baril.
- Latest