Bumaril, nakapatay sa siklista, ‘gunrunner’?
MANILA, Philippines – Sinisilip ngayon ng Manila Police District na miyembro umano ng gun running syndicate ang suspek na nakabaril at nakapatay sa isang biker kamakalawa ng umaga sa Quiapo, Maynila.
Ayon kay Chief Insp. Rommel Anicete, hepe ng MPD homicide section, pagiging gun runner ng suspek na si Von Tanto ang iniimbestigahan nila ngayon bunsod na rin ng pahayag ng ilang mga kapitbahay nito.
Ang sasakyan nito ang sinasabing pinagtataguan ng mga baril na ibinebenta ng suspek. Nakilala ang suspek sa CCTV at kinumpirma ng mga kapitbahay nito.
Kinumpirma din ni Anicete ang ulat na may katatagpuing kliyente ang suspek nang maganap ang pamamaril nito kay Mark Vincent Geralde sa P. Casal St. Quiapo, Maynila.
Hanggang ngayon ay hihintay pa ng surrender feelers ang mga awtoridad mula sa suspek.
Tinamaan ng ligaw na bala sa naturang insidente si Rocel Bondoc, 2nd year college sa Unibersidad de Manila.
Tinamaan sa spinal cord ang dalaga at ngayon nga’y nasa kritikal na kondisyon sa ospital.
- Latest