Criminality campaign sa NCR apektado ng TRO sa curfew
MANILA, Philippines – Posible umanong magdulot nang pagtaas ng kriminalidad na kinasasangkutan ng mga menor de edad ang inisyung Temporary Restraining Order (TRO) ng Korte Suprema sa curfew ordinance ng ilang lungsod sa Metro Manila.
Ito ang may alarmang pahayag kahapon ni National Capital Region Police Office (NCRPO) Acting Director P/Chief Supt. Oscar Albayalde.
Kabilang sa mga naisyuhan ng TRO laban sa ipinatutupad na curfew ordinances ay ang mga lungsod ng Quezon, Maynila at Navotas.
Una nang nagsipalag ang mga magulang ng ilang mga estudyante na hinuli ng mga pulis matapos na gabihin umano sa paggawa ng homework sa kanilang eskuwelahan kaya dumulog sa lokal na pamahalaan.
Sinabi ni Albayalde na dahil naman sa TRO maaaring tumaas ang antas ng krimen na kinasasangkutan ng mga kabataan kung pababayaan ang mga ito ng kanilang mga magulang na gumala sa lansangan sa disoras ng gabi kung saan karaniwang nangyayari ang street gang war ng mga ito.
- Latest
