Van na ginamit sa rape, in-impound ng LTFRB
MANILA, Philippines – In-impound na ng Land Transportation Franchising and Regulatory Board (LTFRB) ang van na ginamit sa pag-rape ng driver at kasabwat nito sa dalawang babaeng pasahero noong nakaraang Hunyo 10, 2016.
Ito ay makaraang dumalo sa en banc hearing ng LTFRB hinggil dito ang registered owner ng van na may plakang ALA 6980 na si Roberto Cardenas.
Sa hearing, sinabi ni Cardenas na ang kanyang van ay walang franchise at ang kanyang sasakyan ay nahiram lamang sa kanya ng driver at wala siyang alam na gagamitin sa pangongolorum at sa anumang krimen.
Sa LTFRB, positibong tinuro naman ng dalawang biktima ang na-impound na van na nakaparada sa compound ng LTFRB na ito ang ginamit ng mga suspek sa krimen.
Samantala sa kasunod na en banc hearing sa LTFRB, sinuspinde ng ahensiya ng 6 buwan ang operasyon ng jeep (DLP-674) na sangkot sa pagkamatay ng dalawang lalaki noong December 3, 2015 sa Las Piñas.
Bukod dito, pinagmumulta rin ng LTFRB ang operator ng jeep na si Leonida Venturina ng P50,000 at pinakakansela ang drivers license ng tsuper nitong si Pelito Pio Gerardo, Jr. expired ang lisensya noong pang Aug 25, 2013 o nang maganap ang krimen.
Magugunitang nadakip ang driver ng van na si Wilfredo Lorenzo habang napatay naman ang kasabwat nito na si Alfie Turado sa insidenteng naganap noong Hunyo 10, 2016.
- Latest