3 holdaper bulagta sa shootout
MANILA, Philippines – Tatlong pinaghihinala- ang notoryus na mga holdaper ang nasawi nang maki-pagbarilan sa nagrespondeng mga tauhan ng pulisya matapos holdapin ng mga ito ang isang negosyanteng ginang sa Quezon City, kahapon ng madaling araw.
Ayon kay Senior Supt. Joselito Esquivel Jr., Director for Operations ng Quezon City Police, dakong alas-3:18 ng madaling araw nang maganap ang shootout sa kahabaan ng Maximo Viola Street at Sto.Domingo Street, Brgy. Balingasa, Quezon City.
Kasalukuyan pang inaalam ng mga awtoridad ang pagkakakilanlan sa mga nasawing suspect na pawang tinatayang nasa pagitan ng 25 hanggang 35-anyos.
Biktima ng mga ito ang negosyanteng si Lita Ma-dera, 47, ng Brgy. Saint Peter ng nasabing lungsod.
Nagkataon namang nagpapatrulya ang mga operatiba ng QCPD Station 1 kung saan humingi ng tulong ang nasabing negosyante makaraang holdapin ng mga suspect na tumakas lulan ng isang de motor na pedicab.
Agad namang inialarma ang Station Tactical Operation Unit kung saan nagresponde rin ang kanilang mga tauhan at naispatan ang mga suspect.
Nakorner ang mga suspect sa lugar pero sa halip na sumuko ay pinaputukan pa ang mga pulis na nauwi sa shootout sa pagitan ng magkabilang panig. Sa palitan ng putok ay napaslang ang mga suspect habang wala namang nasugatan at nasawi sa panig ng mga awtoridad.
- Latest