Raid sa shabu lab sa Valenzuela chinese drug lord todas
MANILA, Philippines – Finally a big fish is down!
Ito ang mariing dekla-rasyon kahapon ni Philippine National Police (PNP) Chief P/Director General Ronald “Bato’’ dela Rosa kasunod sa pagkakapatay sa isang pinaghihinalaang big time Chinese drug lord sa isinagawang raid sa isang clandestine laboratory ng shabu na nauwi sa engkuwentro sa Valenzuela City, kahapon ng madaling araw.
Kinilala ni Dela Rosa and nasawing suspect na si Meco Tan, na nagtang-ka pang takasan and rai-ding team mula sa PNP-Anti-Illegal Drugs Group (AIDG), Highway Patrol Group (HPG) Philippine Drug Enforcement Agency (PDEA) at Northern Police District (NPD).
Si Dela Rosa ay perso- nal na nagtungo sa lugar upang inspeksyunin ang sinalakay na laboratory ng shabu at nagbabalang may susunod pang mga big time Chinese drug lord tulad ni Tan na isang high value target ang kanilang i-ooperate.
Ayon sa opisyal habang tumatakas ay pinaputukan ni Tan ang raiding team na nagresulta sa shootout sa pagitan ng mga operatiba at ng naturang drug lord.
Arestado rin sa operasyon ang lima pang kasa-mahang Chinese drug lord ni Tan.
Alas-4 ng madaling araw, ayon pa sa opisyal nang salakayin ng mga operatiba ang isang compound na pagbrika ng plastic na ginawang shabu laboratory sa Brgy. Lingonan sa lungsod ng Valenzuela na nauwi sa shootout na ikinasawi ng suspect.
Aminado naman si Dela Rosa na hindi madali na malipol and mga big time Chinese drug lord dahilan hindi naman sa mga kalye naglalagi ang mga ito kundi sa mga magagarang hotel at casino.
Sa tala, si Tan ang kaunaunahang big time Chinese drug lord na napatay simula ng manungkulan sa puwesto si Pangulong Rodrigo Duterte noong Hulyo 1 ng taong ito.
Sa kasalukuyan, ayon naman kay Sr. Supt. Albert Ignatius Ferro, Director ng PNP-AIDG patuloy pa ang inventory at pag-iinspeksyon sa loob ng shabu laboratory kabilang dito ang mga kagamitan at kemikål sa paggawa ng shabu.
Nabatid pa na si Tan rin ang nasa likod ng clandestine shabu laboratory sa Naic, Cavite na ni-raid ng mga awtoridad noong 2003 na nakumpiskahan ng 600 kilo ng shabu.
- Latest
