Politika, hindi droga ang motibo sa pagpaslang sa barangay chairman
MANILA, Philippines – Naninindigan ang pamilya ng napaslang na barangay chairman ng Tala, Caloocan na si Edres Domato na politika at hindi tungkol sa droga ang motibo sa pagpaslang sa kanilang ama.
Ito ang mariing tinuran ni Edison Domato, anak ni Chairman Domato nang dumulog sa Commission on Human Rights (CHR) kahapon para humingi ng ayuda na mabigyan ng hustisya ang pagkamatay ng ama.
Anya, mali ang bintang ng Quezon City police na sangkot sa droga ang pagpatay sa kanyang ama dahil maaari anyang kalaban ng ama sa politika ang nasa likod ng pamamaslang dahil malapit na ang barangay election sa Oktubre.
Matatandaang noong Lunes ay sumugod ang mga kaanak ni Domato sa CHR para hingin ang tulong ng ahensiya sa pagkamatay ng ama.
Si Domato ay napatay ng armadong riding in tandem noong Sabado sa nabanggit na lungsod
Nangako naman si CHR Director Gilbert Buesser na tututukan nila ang kaso ni Domato dahil hindi makatarungan na basta na lamang paslangin ang isang indibiduwal dahil siya ay pinaghihinalaan lamang.
- Latest