2 ‘tulak’ itinumba
MANILA, Philippines - Patay makaraang pag-babarilin ang dalawang lalaki na hinihinalang mga tulak ng iligal na droga sa gitna ng maraming tao sa Caloocan City, kahapon ng umaga.
Nakilala ang mga nasawi na sina Ryan Bantilan, at Jimmy Boy Garcia, 40, kapwa residente ng 2nd Avenue, Brgy. 43, ng naturang lungsod.
Sa ulat ng Caloocan City Police-Station Investigation Section, nag-uusap ang dalawang nasawi kasama ang isang Froilan Molino sa may C. Namie Street, 2nd Avenue, Brgy. 43 dakong alas-8:30 ng umaga nang huminto sa tapat nila ang isang motorsiklo lulan ang dalawang salarin.
Agad na nagbunot ng baril ang angkas ng motor at binaril ang dalawang bikti- ma saka nagsitakas.
Nabatid na nadakip kamakailan ng mga tauhan ng Caloocan Police Station Anti-Illegal Drugs Special Operation Task Group (SAID-SOTG) ang dalawang nasawi na nagawa namang makapagpiyansa at makalaya nitong nakaraang buwan ng Abril.
Hinihinala naman na posibleng sindikato rin ng iligal na droga ang nasa likod ng pamamaslang dahil sa posibleng onsehan sa kanilang grupo.
- Latest
