700 truckloads basura nahakot sa clean up drive ng MMDA

MANILA, Philippines – Umabot na sa mahigit 700 truckloads ng basura ang na­hakot sa  pagpapatuloy ng clean up drive ng Metropo­litan Manila Development Autho­rity (MMDA).

Sinabi ni Baltazar Melgar, ng MMDA flood control and sewerage management­ office, ang nahakot na kabu­uang 6,864 kubikong metrong basura na katumbas ng 720 truckloads ay mula lamang sa pitong pangunahing dalu­yan ng tubig sa Metro Manila.

Kabilang dito ang North at South Open Canal, Estero de San Miguel, Estero de Quiapo­, Estero Tripa de Ga­llina, Cut-Cut Creek, at Pasong Diablo River.

Lahat umano ng uri ng basura tulad ng sirang applian­ces, furniture,  plastic con­tainers, styrofoam, gulong ng sasakyan, putol-putol na bakal, cable wires at mga sirang pagkain ay nakuha mula sa nabanggit na  creeks at kanal.

Ang clean up drive  ay bilang bahagi na rin ng paghahanda ng ahensya sa pagda­ting ng panahon ng tag-ulan.

Samantala, may pana­wa­gan ang environmental watch­dog na EcoWaste Coa­lition sa publiko na tumulong  na mapanatiling  malinis ang lahat ng daluyan ng tubig.