Nagpahangin sa covered court inutas
MANILA, Philippines – Isang 55-anyos na lalaki ang binaril at napatay habang nagpapahangin sa covered court sa Islamic Center, Carlos Palanca St., San Miguel, Maynila, kamakalawa ng gabi.
Dead on arrival sa Philippine General Hospital ang biktimang si Basari Mortarba, residente ng C. Palanca St., San Miguel.
Inilarawan naman ang suspek na nakasuot ng shortpants at may body bag na tumakas hawak ang baril.
Sa ulat ni PO3 Michael Marragun ng Manila Police Disrict-Homicide Section, naganap ang insidente dakong alas-7:00 ng gabi sa nabanggit na lugar.
Sinabi ng maybahay nito na si Noraida, 36, na nagpaalam ang biktima na magpapahangin dahil sa sobrang init sa loob ng kanilang bahay. Hindi pa umano nagtatagal nang makarinig siya ng dalawang putok ng baril .
Dito niya nakita ang asawa na naliligo sa sariling dugo at may tama ng bala sa ulo at dibdib.
- Latest