1 Nawawala, 21 nasagip Bangka ng Dragon boat team, tumaob sa training

MANILA, Philippines – Isa ang nawawala habang 21 miyembro ng dra­gon  boat team  ang nailigtas ng Philippine Coast Guard (PCG) nang lumubog ang sinasakyan nilang bangka sa kasagsagan ng training, sa Manila Bay, kahapon ng umaga.

Sa ulat ng PCG, pa­tuloy pa ang isinasagawa nilang search and rescue operation  para sa na­wawa­lang si Jerome Tipon, 30, residente ng Tondo at mi­yembro ng Alab Dragon Boat Team.

Sinabi ni  PCG Spokesman Armand Balilo, na bu­maligtad ang rowing boat ng grupo at tuluyang lumubog dahil pinasok umano ito ng tubig dakong alas-6:00 ng umaga sa Manila Bay malapit sa Manila Yacht Club.

Nabatid na ang dragon boat team ay ilang beses na umanong nagwagi sa mga sinalihan nilang kompetisyon.