Barker binistay ng bala
MANILA, Philippines - Utas ang isang barker makaraang pagbabarilin ng isang lalaki dahil sa umano’y dating alitan sa Brgy. Kamuning, Quezon City kahapon ng madaling araw.
Kinilala ang biktima na si Jisifino Riaso, 39, binata ng 12-A Park Avenue sa nasabing barangay.
Ayon sa ulat ni PO2 Jogene Hernandez, ang suspect ay mabilis ding tumakas makaraan ang isinagawang krimen.
Nangyari ang insidente sa harap ng isang pawnshop na matatagpuan sa may kahabaan ng L-Shangyo Street, kanto ng K-2 St., sa naturang barangay, ganap na ala-1:20 ng madaling araw.
Bago ito, naglalakad sa naturang lugar ang biktima papauwi matapos ang kanyang pagba-barker sa Timog Avenue ng pagbabarilin ng suspect. Agad ding tumakas ang suspect makaraan ang pamamaril.
Dating kaalitan ng biktima ang sinasabing suspect sa pamamaril bagay na iniimbestigahan ngayon ng awtoridad.
- Latest