‘Kubol hotel’ sa Bilibid, giniba
MANILA, Philippines – Denimolis ang isang kubol na nagmistulang hotel ng mga “vip” inmates sa ika-17 ‘Oplan Galugad’ na isinagawa ng raiding team ng Bureau of Corrections (BuCor) sa maximum security compound ng New Bilibid Prisons (NBP) sa Muntinlupa City.
Ayon kay BuCor Director Retired General Rainier Cruz III, alas-6:00 ng umaga nang gibain ang may dalawang palapag na “Kubol Hotel” na pag-aari ni Alex Chen, isang Chinese national.
Ang nasabing kubol hotel ay espesyal na lugar na may amenities para sa kaginhawahan at kasiyahan ng mga “vip” inmates.
Bukod sa isinagawang pag-demolis sa kubol na itinuturing hotel ng mga “vip” inmates, nakakumpiska na naman ng ibat-ibang kontrabando ang naturang raiding team.
Nakumpiska ang mga flat television, DVD players, mobile phones, chargers, baril, air condition, sex toys at shabu.
Ayon sa Bucor, hindi nila tatantanan ang pagsasagawa ng Oplan Galugad sa mga kubol ng mga preso hanggang sa maubos nilang kumpiskahin ang mga ibat-ibang uri ng kontrabando.
- Latest
