Road re-blocking sa EDSA maagang inabiso ng MMDA
MANILA, Philippines – Asahan ang mabigat na daloy ng trapiko sa ilang lugar ng Metro Manila ngayong weekend dahil tuloy pa rin ang road re-blocking at repairs na isinasagawa ng Department of Public Works and Highways (DPWH) sa ilang lansangan.
Base ito sa abiso kahapon ng Metropolitan Manila Development Authority (MMDA).
Pangunahing apektado ng road reblocking ay ang kahabaan ng EDSA harapan ng Camp Crame, 3rd lane mula sidewalk at ang kahabaan ng C.P.Garcia St., pagitan ng Ma. Regidor at Florentino, 2nd lane mula sidewalk.
Gayundin ang kahabaan ng EDSA harapan ng Camp Aguinaldo, 5th lane mula sidewalk.
Alas-10:00 Biyernes ng gabi sisimulan ang road re-blocking at matatapos ito sa Lunes (Pebrero 15) ng alas- 5:00 ng madaling-araw.
Bukod dito, simula sa darating na Linggo (Pebrero 14) isasara rin ang ilang bahagi ng EDSA bilang bahagi sa paghahanda sa pagdiriwang ng ika-30th EDSA People Power Revolution sa Pebrero 25.
Simula Pebrero 14, sarado na ang bahagi ng Katipunan Avenue Extension west bound portion, ito’y mula White Plains o Temple Drive patungong EDSA kaya payo ng MMDA sa mga sasakyang papuntang EDSA na gamitin ang eastbound portion.
Hanggang Pebrero 29 umano sarado ang naturang bahagi ng EDSA.
Samantala, Pebrero 25, araw ng anibersayo ay sarado ang buong EDSA mula Ortigas hanggang Santolan gayundin ang Katipunan Avenue extension.
Magkakaroon naman ang zipper lane sa southbound portion sa mismong araw ng anibersaryo para maaring mag-counter flow ang mga northbound vehicles.
- Latest