60 CCTV ikinabit sa Bilibid
MANILA, Philippines – Para mamonitor ang bawat galaw ng mga preso at mga prison guard, nasa 60 bilang ng close circuit television (CCTV) cameras ang idinagdag sa maximum security compound ng New Bilibid Prison (NBP) sa Muntinlupa City.
Ayon kay NBP Supt. Richard Schwarzkopf Jr., layunin nito ay upang ma-monitor ang bawat galaw ng mga inmate at mga prison guard na nagbabantay sa mga ito.
Ito ay dahil na rin sa sunud-sunod na pagkakakumpiska ng mga kontrabado dito sa kabila ng mahigpit na seguridad na pinatutupad.
Aminado naman ang pamunuan ng NBP, na hindi sapat ang mga CCTV camera para ma-monitor ang bawat galaw ng mga ito dahil nasa 15,000 ang bilang ng mga preso na nakapiit sa maximum security compound, samantalang ang kapasidad lamang nito ay nasa 6,000.
Matindi pa rin umano ang kakulangan sa manpower sa piitan na ito nga ang kanilang hinihiling para madagdagan.
- Latest