Dagdag-bawas sa presyo ng petrolyo
MANILA, Philippines - Nagpatupad ngayong araw na ito, Martes (Pebrero 9) ng dagdag-bawas presyo ng produktong petrolyo ang ilang kompanya ng langis.
Pinangunahan ito ng Pilipinas Shell at Petron, na nagbaba sa presyo ng kanilang gasolina ng P0.70 kada litro, habang tumaas naman ang presyo ng Kerosene na nasa P1.05 kada litro at presyo ng diesel na tumaas sa P0.95 kada litro.
Ang pagpapatupad ng dagdag-bawas ay epektibo ng alas-6:00 ng umaga.
Nabatid kina Ina Soriano, ng Pilipinas Shell at Raffy Ledesma, ng Petron, ang pinatupad na dagdag-bawas sa produktong petrolyo ay bunsod ng paggalaw ng presyuhan nito sa pandaigdigang pamilihan.
Inaasahan naman na susunod na rin ang ilan pang kompanya ng langis, na may kaparehong halaga.
- Latest