Bus salpok sa trailer truck: 6 sugatan
MANILA, Philippines – Anim na pasahero ang sugatan matapos sumalpok sa isang trailer truck ang sinasakyan nilang bus, kamakalawa ng gabi sa Malabon City.
Kinilala ni Malabon City Police Traffic Enforcement Unit chief, Senior Insp. Romulo Mabborang ang mga sugatang biktima na sina Flora Espino, 36; Mary Jane Vitan, 35; Ayeesha Bautista, 27; Rheena Shiella Formigones, 22; Raquel Dela Cruz, 33 at Rodrigo Mallari, 58, na pawang ginagamot sa Manila Central University (MCU) Hospital.
Base sa imbestigasyon, naganap ang insidente alas-10:00 ng gabi sa Southbound lane ng McArthur Highway, panulukan ng Pinagtipunan Circle Exit, Brgy. Potrero ng naturang lungsod habang binabagtas ng isang Golden Dragon bus (AHG-225) na minamaneho ni Erwin Bantaculo, 39, ang lugar at sa isang palikong lugar ay nasalpok nito ang isang trailer truck na may plakang TYD-714, na mimaneho naman ni Mauro Francico.
Sa lakas ng impact, nagresulta ito upang masugatan ang anim na pasahero ng naturang bus.
- Latest
