Rollback sa presyo ng petrolyo, inaasahan
MANILA, Philippines - Matapos ang sunud-sunod na oil price hike, magandang balita sa publiko lalo na sa hanay ng transportasyon, dahil may nakaambang bawas presyo sa diesel at gasolina sa susunod na linggo.
Nabatid na sa unang tatlong araw na trading sa international market, nasa P0.70 kada litro ang ibababa sa presyo ng diesel habang sa gasolina ay nasa P0.40 kada litro.
Gayunman, nagbabadya namang tumaas ang presyo ng Liquefied Petroleum Gas (LPG), na nasa P0.40 hanggang P0.50 kada kilo o katumbas ng P4.40 hanggang P5 sa bawat 11 kilo kada tangke ng LPG.
Nabatid sa ilang oil companies, sakaling matuloy ang rollback sa mga produktong petrolyo ay bunsod ito ng paggalaw ng halaga sa pandaigdigang pamilihan.
- Latest