Most wanted sa kasong murder, tiklo

MANILA, Philippines – Rehas na bakal ang binagsakan ng isa na most wanted person matapos itong arestuhin ng pulisya sa Caloocan City kamakalawa ng hapon. Kinilala ni P/Senior Supt. Bartolome Bustamante, hepe ng Caloocan City PNP ang suspek na si Emiliano Caina, 49, ng Tullahan Road, Santa Quiteria sa  nabanggit na lungsod. Inaresto si Caina sa bisa ng warrant of arrest na inisyu ni Judge Remigio Escalada Jr., ng regional trial court Branch 123 sa kasong 2 counts of murder. Hindi na nakapalag ang akusado nang ihain ang warrant of arrest kung saan lumalabas na sangkot din ito sa bentahan ng droga sa nabanggit na lugar.