Sangkaterbang basura, iniwan sa QC Circle, Luneta
MANILA, Philippines - Sakit ng ulo ng Metropolitan Manila Development Authority (MMDA) at ng pamahalaang lokal ang iniwang tambak na basura sa ilang lugar ng Kalakhang Maynila.
Sa monitoring ng MMDA, tambak na basura ang iniwan sa ilang parke ng mga namamasyal nitong nakaraang Pasko.
Katulad sa lugar ng Quezon City Memorial Circle, tumambad sa MMDA at pamahalaang lungsod ang sangkaterbang basura sa kabila na may nakapaskil naman na karatulang bawal magkalat at ang sinumang lalabag ay papatawan ng multa.
Nabatid na ilang parke ay ginawang basurahan ang fountain ng mga pasaway at walang disiplinang namamasyal.
Gayundin aniya ang sitwasyon sa Luneta Park kung saan apaw na apaw sa basura sa mga sulok-sulok nito.
Bukod pa dito ay makakalanghap pa ng mabahong amoy tulad na mapanghe ang kapaligiran nito.
Kung kaya’t kahapon matapos ipagdiwang ang Pasko ay agad na nagsagawa ng clean-up drive operation at paghahakot ng mga basura.
- Latest