Hubad na lalaki, nagbigti
MANILA, Philippines – Isang hubad na lalaki ang natagpuang nakabigti sa puno ng acacia malapit sa isang creek sa lungsod Quezon kahapon.
Ayon sa pulisya, walang nakakakilala sa biktima na isinalarawan sa pagitan ng edad na 22-26, may kapayatan ang katawan, at nakasuot lamang ng kulay brown na brief.
Sa imbestigasyon ni PO3 Marlon dela Vega, may-hawak ng kaso, ang biktima ay natagpuan sa may gilid ng Krus na dulo Creek, Barrio Silangan corner Sevilla Aldea Verde St., Brgy. Batasan Hills, ganap na alas-7:10 ng umaga
Sabi ng isang Ismael Bautista, naglalakad siya sa gilid ng tulay nang makita niya ang biktima na nakabitin sa sanga ng nasabing puno, gamit ang kulay brown na nylon cord. Agad na ipinagbigay alam ni Bautista ang nakita sa guwardiya na siya namang tumawag ng awtoridad para sa imbestigasyon.
Sa kasalukuyan, patuloy ang pagsisiyasat ng awtoridad sa nasabing insidente upang matukoy ang pagkakakilanlan ng biktima at mabatid kung may naganap na foul play dito.
- Latest