4 tiklo sa Taguig drug bust

MANILA, Philippines - Aabot sa P12 milyong halaga ng ilegal na droga ang nasabat sa lungsod ng Taguig ngayong Huwebes.

Nabawi ang apat na kilong shabu mula sa mga suspek na sina Larex Pepino, ang sinasabing pinuno ng grupo, Jayborn Ruira, Jahar Radin at Nelson Conarco.

Nasakote ang mga suspek matapos pumayag na bentahan ng 400 gramo ng shabu ang ilang undercover agents ng pulisya.

Nakorner ang mga tulak ng droga sa Bayani Road, Western Bicutan, Taguig City.

Bukod sa 400 gramo ng droga, nabawi rin ng mga awtoridad ang apat na bag ba may lamang ding shabu.

Hinihinalang may kinabibilangan na mas malaking sindikato ang mga supek.