Pagbabawal sa private vehicles sa EDSA, inilingan ng MMDA
MANILA, Philippines – Dapat muna umanong magkaroon ng masusing pag-aaral ang panukala ni LTFRB board member Ariel Inton na nagpapanukala na pagbawalan ang mga pribadong sasakyan na dumaan sa EDSA tuwing rush hour.
Ito ang mariing pahayag ni Metropolitan Manila Development Authority (MMDA) Chairman Francis Tolentino kasabay nang pagsasabing ito ay ‘ unrealistic’ .
Sinabi ni Tolentino, kung ipapatupad ito ay mistulang inalisan na rin ng karapatan ang mga pribadong sasakyan na magamit ang EDSA na siyang nagkokonekta sa iba’t ibang lungsod sa Metro Manila mula sa Caloocan hanggang sa Pasay City.
Hindi rin umano ito katanggap-tanggap lalu pa nga’t wala pa aniyang epektibong mass transport system sa Metro Manila. Habang wala pa aniyang mass transport system, mag-sheer volume muna, sinabi naman nito, na overcapacity na sa mga sasakyan ang EDSA dahilan kung bakit matindi ang trapik dito.
Subalit, pag-off hours aniya bandang ala-1:00 ng hapon hanggang alas-3:00 ng hapon maluwag naman aniya ang naturang lansangan
Ayon pa kay Tolentino, ilan sa kanyang nakikitang solusyon ay ang inilabas ng Civil Service Commission na four day work week scheme at ang paggamit ng alternatibong pamamaraan ng pagbiyahe katulad ng Pasig River ferry System.
Kaya aniya may mga pribadong sasakyan ay dahil hindi nga maganda ang mass transport system sa bansa.
- Latest
