Bebot natagpuang patay sa hotel
MANILA, Philippines - Isang bangkay ng babae ang natagpuang may busal sa bibig at nakatali sa loob ng isang hotel sa Pasay City, kahapon ng umaga.
Sa sketchy report ng Pasay City Police, kinilala lamang ang biktima na isang Jami Cher Ann.
Lumabas sa inisyal na imbestigasyon ng pulisya, nag-check-in umano ang biktima sa isang hotel na matatagpuan sa panulukan ng EDSA at Harrison St., Pasay City alas-12:00 ng tanghali, Biyernes.
Bago ito, naunang nag-check-in ang isang lalaki bago pa dumating ang biktima. Alas-5:30 ng umaga, dito na nakitang walang buhay ang babae na may busal ang bibig at nakatali sa loob ng isang kuwarto ng naturang hotel.
Nabatid, na nakiusap umano ang pamunuan ng naturang hotel sa Pasay City Police na huwag umanong ilabas sa media ang naturang insidente.
Sa ngayon ay patuloy pang iniimbestigahan ang naturang insidente.
- Latest
