Lola lasog sa van
MANILA, Philippines - Isang lola ang nasawi makaraang mabundol ng isang closed van habang ito ay tumatawid sa kahabaan ng Commonwealth Avenue, lungsod Quezon kahapon.
Ayon kay SPO1 Edgardo Talacay ng Quezon City Police Traffic Sector 5, nakilala ang biktima na si Marlene Dagsaan, 61, ng Duplex Compound, Fortune Marikina City.
Arestado naman ang driver ng Isuzu Elf na si Virgilio Acson na kasalukuyan nang iniimbestigahan. Nangyari ang insidente sa may Pearl St., Commonwealth Avenue, ganap na alas-12:15 ng tanghali.
Diumano, tinatahak ng Isuzu Elf (WMZ-627) ang lugar nang biglang tumawid ang matanda at mahagip ito. Sinasabing nag-alangan ang biktima sa pagtawid kung saan nag-atras abante ito dahilan para malito si Acson at mabundol ang biktima.
- Latest
