Half-cup rice ordinance, aprub na sa QC
MANILA, Philippines - BIlang suporta sa International Rice Research Institute (IRRI) na nag-ulat na aabot sa P23 milyong halaga ng bigas sa bawat araw o P8 bilyon halaga ng bigas sa kada taon ang nasasayang, inaprubahan ng pamahalaang lungsod ang isang panukala na magre-require sa mga food industry sa pagbebenta ng kalahating tasa lamang o half cup rice sa kanilang mga kostumer.
Ang naturang ordinansa na ipinanukala ni Quezon City Councilor Allan Butch Francisco.
Ayon naman kay QC Mayor Herbert Bautista, ang ordinansang ito ay makakatulong upang makatipid at hindi maaksaya ang mga kanin.
Suporta ito ng pamahalaang lungsod sa awareness campaign ng International Rice Research Institute (IRRI) at Food and Nutrition Research Institute ng DOST na tinawag na “Eat your Rice Right and Save Lives”.
Sa ulat ng IRRI ang mga nasasayang na bigas sa loob ng isang taon ay sapat nang ipakain sa may P4.3 milyong Pilipino.
Ito ay karamihan sa mga kainan na natitira ng mga kostumer.
Para makaiwas sa pagkasayang ng kanin, kailangan umano ang tamang dami lamang ng kanin ang maaaring ihain sa bawat serving sa mga food service industry lalu na sa mga food/meal combinations, value meals, student meals, combo meals at economy meals.
Kabilang sa local food service industry ang mga negosyo, fast-food chains, schools, caterers, at iba pang establisimento na nagbebenta ng pagkain sa labas ng tahanan.
Sa ilaim ng ordinansa ang sinumang lalabag ay magmumulta ng P 1,000 sa second offense at P2,000 at isang buwang suspension ng negosyo sa 3rd offense.
- Latest