Dahil sa walang sapat na plaka ang LTO ‘No plate, no travel’ policy, hinto muna
MANILA, Philippines - Walang sapat na plaka ng sasakyan na maipagkakaloob ang Land Transportation Office (LTO) para sa mga bagong rehistrong sasakyan sa buong bansa.
Ito ang dahilan kung bakit sinuspinde ng LTO ang implementasyon ng ‘no plate, no travel’ policy para sa mga bagong sasakyan.
Una nang hiniling ng Automobile Manufacturers and Dealers Association sa naturang tanggapan na ipagpaliban muna ang dapat sana’y implementasyon ng naturang programa simula bukas (August 1, 2014) pero dahil wala pang maipagkakaloob na mga plaka ay ipinagpaliban muna ang pagpapatupad sa naturang polisiya.
Dahil dito, pinangangambahan naman ng publiko ang patuloy ng pagkalat ng mga sasakyan na walang plaka na sinasabing gamit ng mga sindikato laluna ng mga riding in tandem criminals sa kanilang mga operasyon.
Posibleng ito naman umano ang samantalahin ng mga masasamang-loob at mga kawatan para sa pagsasagawa ng kanilang mga modus o ilegal na aktibidades.
- Latest